Scéim na gCampaí Samhraidh 2025

Tá muid ag fáiltiú roimh iarratais do Champaí 2025. Is é an 2ú Bealtaine 2025 an dáta deireadh a bheifear ag glacadh le hiarratas.

Beidh cead campaí a reáchtáil ón 09/06/25 ar aghaidh go dtí 15/08/25

Conas iarratas a dhéanamh

Tá 2 bhealach le hiarratas a dhéanamh:

Is féidir cliceáil ar an nasc thall agus an fhoirm iarratais a líonadh isteach go leictreonach ar Microsoft Foirms.

Má roghnaíonn tú seo a dhéanamh, tabhair faoi deara go mbeidh ort Clár Imeachta an Champa agus Dearbhú Foirne Cosaint Leanaí (sínithe ag foireann an champa uilig) agus Seicliosta Polasaithe chosaint leanaí agus Ráiteas um chumhdach leanaí a uaslódáil ag deireadh na foirme leictreonaí.

nó

Féach thíos faoi ‘Foirmeacha d’Eagrachtai’ chun an Foirm Iarratais, Clár Imeachtaí an Champa agus Dearbhú Foirne Cosaint Leanaí agus Seicliosta Polasaithe chosaint leanaí agus Ráiteas um chumhdach leanaí a íoslódáil, a líonadh isteach agus a sheoladh ar ais.

Cliceáil anseo le iarratas a dhéanamh ar líne

Beidh an Rolla Tinnreamh le líonadh isteach gach lá den champa, agus le cur ar ais chuig Muintearas nuair a bheas an campa thart.

Beidh an fhoirm éileamh íocaíochta le líonadh isteach & le seoladh chuig Muintearas nuair a bheas an campa thart.

Déan teagmháil le Muintearas má bhíonn aon cheist agat / aon rud nach bhfuil soiléir duit.

Is féidir an Foirm Iarratais, maraon le Clár Imeachta an Champa agus Dearbhú Foirne Cosaint Leanaí a íoslódáil thíos, agus iad a líonadh isteach & a sheoladh ar ais chuig Muintearas (seoladh & ríomhphost ar an bhfoirm iarratais).

Tá Coinníollacha Scéim na gCampaí Samhraidh sa Ghaeltacht 2025 ar fáil anseo. Moltar duit an cháipéis seo a léamh go cúramach sula dtosóidh tú ag líonadh an fhoirm iarratais.

Tusimitheoirí / Caomhnóirí:

Is le lucht eagraithe an champa amháin a chláróidh tú páiste. Ní féidir le Muintearas spás a chur in áirithint ar champa do’d pháiste. Beidh muid ag foilsiú líosta de na campaí a bheas ar bun sna ceantair éagsúla go seachtainiúil, ach caithfear teagmháil a dhéanamh le lucht eagraithe na gcampaí iad féin chun páiste a chlárú.