Folúntas
Cúntóir Óige Páirt-Aimseartha
Tá post páirt-aimseartha mar Chúntóir Óige i gClub Óige Iorras Aithneach (aois 12-18) agus i gClub Óige na mBeanna Beola (aois 7-12) á thairiscint ag Muintearas i gcomhair le Pleanáil Teanga Chonamara Láir & Forbairt Chonamara Láir.
Scileanna, taithí agus cáilíochtaí
- Taithí ag obair le daoine óga
- Gaeilge líofa – labhartha agus scríofa
- Scileanna láidir eagrúcháin agus bainistiú ama
- Sárscileanna cumarsáide agus idirphearsanta
- A bheith ábalta feidhmiú go muiníneach agus go héifeachtach as do stuaim féin agus mar pháirt d’fhoireann
Uaireanta oibre
12 uair a chloig sa tseachtain, 6 uair an chloig i gClub Óige na mBeanna Beola agus 6 uair a chloig i gClub Óige Iorras Aithneach. Beidh uaireanta díreach le na daoine óga i gceist tráthnóna Dé hAoine agus tráthnóna Dé Sathairn chomh maith le uaireanta pleanáil solúbtha i rith na seachtaine. Is gá go mbeadh tú solúbtha mar gheall ar an saghas obair atá i gceist. Beidh uaireanta neamh-shóisialta le n-oibriú: tráthnóna, deireadh seachtaine srl.
Cúraimí an phoist
Beidh an té a cheapfar freagrach as:
- Comhoibriú leis an gcoiste
- Imeachtaí/ceardlann/turais a phleanáil
- Bheith i láthair ar an oíche a bhíonn an club ar siúl agus ag aon imeachtaí atá dhá reachtáil
- Cinntiú go bhfuil paipéarachas an chlub suas chun dáta
- Teagmháil a choinneáil le Oifigeach Forbartha Mhuintearais
A bheith tiomanta do Fhís, Misean agus Straitéis Mhuintearas a chuir i bhfeidhm. Aon dualgas bailí eile a iarrfaidh do bhainisteoir líne ort a chomhlíonadh. Solúbthacht agus oibriú mar bhall foirne ag tacú le chéile do thograí ar leith.
Iarratas
Seol litir iarratais agus CV chomh maith le cóip de chuid cailíochtaí roimh an 3:00in Dé hAoine 16ú Deireadh Fómhair chuig oige@muintearas.com.
Beidh gá dul thríd an próiseas grinnfhiosrúcháin sula dtosóidh an post.
Má tá tuilleadh eolais uait, cuir glaoch ar 091 379141 nó seol ríomhphoist chuig oige@muintearas.com.
Is fostóir deiseanna comhionannais é Muintearas.